ՀՀ Անկախության 33-րդ տարեդարձի և Շառլ Ազնավուրի ծննդյան 100-ամյակին նվիրված համերգային երեկո Չեննայում (Մադրաս)

21 սեպտեմբերի, 2024

2024թ. սեպտեմբերի 21-ին Հնդկաստանում ՀՀ դեսպանությունը Չեննայում ՀՀ պատվավոր հյուպատոսության հետ համատեղ ՀՀ Անկախության 33-րդ տարեդարձի և Շառլ Ազնավուրի ծննդյան 100-ամյակին նվիրված մեկ այլ համերգային երեկո է կազմակերպել Չեննայում (Մադրաս)։

Հնդկաստան ժամանած Լոնդոնի «Քլինգեն» երգչախմբի և մշակութային ասոցիացիայի գեղարվեստական ղեկավար, դիրիժոր, տենոր, դաշնակահար, մաեստրո Սիփան Օլահի, ինչպես նաև սոպրանո Հայարփի Եղիկյանի, ջութակահար Պոլինա Շարաֆյանի, հոբոյահար Ջեկ Մուրադյանի, դաշնակահար Նիկիտա Դեմիդենկոյի ու կալկաթաբնակ երաժիշտներ՝ ալտ-հոբոյահար Վաչե Թադևոսյանի և թավջութակահար Սոմնաթ Մակհալի կատարմամբ հնչել են Շառլ Ազնավուրի, Կոմիտասի, Արամ Խաչատրյանի, Առնո Բաբաջանյանի, Ղազարոս (Լազար) Սարյանի և Ռոբերտ Ամիրխանյանի հայտնի ստեղծագործությունները:

Այսպիսով, ՀՀ դեսպանության նախաձեռնությամբ «Քլինգեն» կամերային համույթի համերգային շարքն ավարտվել է Հնդկաստանում՝ բավականաչափ մեծ հետաքրքրություն առաջացնելով բոլոր ունկնդիրների մոտ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր